SEJARAH RINGKAS GKPS SIMBOU KEHEN RESORT SIMBOU KEHEN
13 OKTOBER 1942-PEBRUARI 2020
I. LATAR MUKA GKPS SIMBOU KEHEN
A. Benih Yang Tumbuh
Bani bulan September 1932, domma adong benih yang tumbuh sada kuria ampa sikolah zending Simbou Kehen na marianan I gereja/ Parsikolahan Talun Kahombu. Ronsi das hubani bulan Oktober 1942 I huta Talun Kahombu ope parkuriaon ampa Sikolah Zending Simbou Kehen.
Pandidion na parlobei hun huta SImbou Kehen I Kuria Talun Kahombu, aima 2 halak anak boru, kakak beradik na margoran: TORMINIM br SARAGIH pakon TAPI br SARAGIH. Sidea on ma na gabe benih yang tumbuh marhitei sikolah Zending Simbou Kehn I Talun Kahombu.
B. Periode Tahun 1939-1942
Humbani tahun 1939-1941, adong do keluarga Kristen hun Bahapalraya pindah/ marjuma hu Simbou Kehen, aima: R. ALEXANDER SARAGIH, ADAM PURBA, St. BYTERSON SINAGA, P. JOSEP PURBA, JOSIALAM SARAGIH pakon M. PERDINAN SINAGA. Ambahni ai adong do piga-piga halak garama anak boru, aima: Jarmaihut Saragih, Kerli br Sinaga, Soppat br Purba, Kina br Purba ampa Torinim br Saragih.
Keluarga Kristen na isobut I atas inma, roh manriah hubani Tuan Simbou Kehen (Tuan Rambat S. Garingging) ase ipindahkon hu huta SImbou Kehen, aima Sikolah Zending Simbou Kehen pakon HKBP Simbou Kehen.
II. PARDONGNI HKBP SIMBOU KEHEN
a. Bani bulan April 1942, ipadas ma usul hu Pandita HKBP Resort Raya ampa Praeses Distrik Simalungun na marisi “Ase ipindahkon ma gereja ampa parsikolahan na I Talun Kahombu hu huta Simbou Kehen”, ususl on idukung sada Sintua hun Bahapal Raya, aima St. Ernist Purba. Bani tanggal 13 Juni 1942, saud ma roh Praeses HKBP Distrik Simalungun aima Pdt. K. Purba na ihasomani St. Ernist Purba hu Simbou Kehen, laho meninjau janah mamareksa keadaan Simbou Kehen sekitarnya.
Bani tanggal 14 Juni 1942, saud ma peninjauan lapangan, janah bani na sadari ai, turun ma surat persetujuan martanggal 14 Juni 1942, na marisihon:
1. Mangihuthon buei ni penduduk ampa lahan parsabahan, dear ma ipajongjong Gereja irik parsikolahan I huta Simbou Kehen.
2. Dear ma ipindahhon hun Talun Kahombu hu huta Simbou Kehen, dengan syarat:
a. Bangunan Gareja/ Parsikolahan na I Talun Kahombu lang boi ibongkar.
b. Ipajongjong ma I huta Simbou Kehen on sada rumah Gareja/ Parsikolahan na baru, janah maningon siap bulan Agustus 1942 on.
c. Peralatan/ Inventaris Gerja pakon Sikolah, dear do ipindahkon hu Simbou Kehen bani Gereja/ Parsikolahan na baru ai.
b. Domu hubani isini surat na iatas in, ibahen ma harungguan bodarini tangga 14 Juni 1942 I rumahni Tuan Rambat S. Garingging, isini Harunggguan ai aima:
- Ase ibahen ma homa Harungguan 4 huta (Simbou Kehen, Bah Rambung, Kampung Jawa pakon Talun Madear) pasal na pajongjonghon Kuria ampa Sikolah I Simbou Kehen.
- Panorang Harungguan aima bani tanggal 20 Juni 1942
Saud do ilaksanahon Harungguan ai, janah satuju do haganup pasal na pajongjong gareja ampa parsikolahan ai, janah sekaligus do itotapkon pembagian horja na porlu hujai anjaha bani waktu t-10 hari tersedia ma bahan I tanoh partapakan.
Ibonani bulan Juli 1942, ipungkah ma pajongjonghon gareja pakon parsikolahan marhitei na margotong royong. Keadaan darurat ope ipajongjong, aima berupa: hayu hibul, dingding topas, tayub rih, ukuran 8 x 6 m. bani bulan Agustus 1942, saud ma salosei bangunan ai janah sekaligus melaporhon bani Pandita HKBP Resort Raya pakon Praeses distrik Simalungun.
c. Bani tanggal 15 September 1942, roh ma utusan Praeses HKBP Distrik Simalungun hu Simbou Kehen aima St. Ernist Purba untuk mamareka hasintonganni laporan ai. Bani bodari ni, iriahkon janah itotapkon ma tanggal marminggu/ marsikolah I gereja/ parsikolahan na baru ai. Isini panriahan, aima:
1. Mulai marminggu aima tanggal 13 Oktober 1942
2. Mulai marsikolah tanggal 14 Oktober 1942
3. Iangkat ma na gabe Vorhanger I aima: St. Byterson Sinaga, janah Syamasni aima: R. Alexander Sumbayak, M. Ferdinan Sinaga, P. Josep Purba.
Ibahen ma homa undangan bani Praeses, Pandita pakon kuria-kuria na dohor Simbou Kehen untuk pambukaan parmingguon ai.
d. Bani Tanggal 13 Oktober 1942, saud ma ipungkah parmingguan I Gereja/ parsikolahan na baru I huta Simbou Kehen na I hadiri utusan ni Praeses sekaligus Pandita Resort Raya aima Pdt. JWS. Sumbayak.
Humbani tanggal 13 Oktober 1942 das hubani akhir tahun 1946, marminggu hu Simbou Kehen ma parhuta Talun Kahombu, Tinggi Saribu pakon Simbou Huluan.(on ma Homa Tanggal Parjongjongni Kuria GKPS Simbou Kehen)
Bani Kebaktian Natal 1946, marhadomuan hubani riahni Pengurus Harian na adong I Simbou Kehen pakon Talun Kahombu ibahen ma sada haputusan: ipungkah ma parmingguan I Talun Kahombu bani Minggu II (paduahon) bulan Januari 1947 janah na gabe Vorhanger parlobei aima: Gr. David Saragih, mamungkah hunjai sada gareja ma par Talun Kahombu, Tinggi Saribu ampa Simbou Huluan bani Gereja na pinajongjong tahun 1932 hinan gabe Gereja HKBP Talun Kahombu.
e. Humbani tahun 1944-1946, ibahen ma pangarahon hu Saribu Raya, janah tahun 1946 pe jongjong ma Gereja/ parsikolahan I Saribu Raya, janah tahun 1947 pe jongjong ma homa Gereja/ parsikolahan I Pargampualan.
Bani tahun 1944, ilaksanahon ma pandidion massal i kuria Simbou Kehen janah sekaligus iangkat ma setingkat jabatan Syamas, aima: Ramalam S. Garingging, Robinson S. Garingging, Jaidim S. Garingging.
f. Bani tahun 1952,(HKBP Distrik Simalungun Gabe HKBP Simalungun) mar resort hu Merek Raya ma kuria Simbou Kehen, janah sadokah dua tahun (1952-1954) marminggu/ sikolah bani lampo-lampo ialaman ni gereja hinan ma kuria ai, domu hubani na marumbak gereja/ parsikolahan ai halani domma lapuk.
Bani awal Juli 1954 ipindahkon ma gereja/ parsikolahan hun Huta Lama Hu Kampung Baru- Simbou Baru janah tahun 1975 ibongkar ma use sekaligus ibangun ma gereja na baru, aima na sonari on. (tapi anggo anjung-anjung ampa giring-giring tahun 1987 do ibangun), anjaha tahun 1975 ai masuk hu Resort Panei Tongah ma kuria Simbou Kehen.
III. PERIODENI VORHAGER HUMBANI TAHUN 1942-2020
1. Tahun 1942-1944 : St Byterson Sinaga
2. Tahun 1944-1947 : Gr. David Saragih/ Wkl. St Byterson Sinaga
3. Tahun 1947-1948 : Gr. Kosman Sumbayak
4. Tahun 1948-1951 : Gr. Salmon Sinaga/ Wkl. Gr. Jawalpen Sinaga
5. Tahun 1951-1954 : Gr. Jemanus Saragih
6. Tahun 1954-1960 : Gr. Jausin Sinaga/ Wkl. Gr. Lerman Purba
7. Tahun 1966-1970 : Gr. H. Salem Purba/ Wkl. St. Ramalam S. Garingging
8. Tahun 1970-1975 : Marperiode ma Pimpinan Jemaat I GKPS janah na tarpilih aima St. Gr. Salem Purba, halani keadaan (mabalu bani tanggal 31 Juli 1970), iondoskon ma jabatan Pengantar Jemaat hubani St. Ramalam Saragih Garingging, bani tanggal 1 Januari 1971-1975.
9. Tahun 1971-1980 : St. R. Almidin Purba/ Wkl. St. Gr. H. Salem Purba/St Kaden saragih/S T.A Saragih
10. Tahun 1980-1985 : St. R. Almidin Purba/ Wkl. St. Gr. H. Salem Purba/Bendahara St Ta Saragih
11. Tahun 1985-1990 : St. R. Almidin Purba/ Wkl. St. Gr. H. Salem Purba/st Janerliben sinaga/st Horpei saragih
12. Tahun 1990-1995 : St. R. Almidin Purba/ Wkl. St. Gr. Janerliben Sinaga/St Ta Sinaga/St Horpei Srg
13. Tahun 1995-2000 : St. Jalinson Saragih/ Wkl. St. TA. Sinaga/Sy Jonnelison srgh/St Horpei Saragih
14. Tahun 2000-2005 : St. Horpey Saragih/ Wkl. St. TA. Sinaga/St Jonnelison srgh/St. Mohlan Saragih
15. Tahun 2005-2010 : St. TA. Sinaga/ St. Jonnelison Saragih\St sahdinson saragih/St Mohlan Saragih
16. Tahun 2010-2015 : St. Mohlan Saragih/ St. Jonnelison Saragih/st Sahdinson srgh/St Berriaman srgh
17. Tahun 2015-2020 : St. Mohlan Saragih/ St. Sahdinson Saragih/St Jonnelison Srgh/St Berriaman Srg
18. Tahun 2020-2025 ; St .Eva Sumainim Sinaga/St Berriaman Saragih/St Joni epeiwadi Sinaga/St Apri Purba
IV. PENGEMBANGAN JEMAAT
1. Mamungkah humbani tanggal 15 Maret 1987, domma jongjong Kuria persiapan GKPS Bah Rambung, aima Filialni GKPS Simbou Kehen I resmihon tgl ;15-03-1987
2. Bani bulan Juli 1989, domma jongjong Filialni kuria GKPS Simbou Kehen I Talun Madear aima GKPS Talun Madear pindah hu Juma Dear tanggal 28-01- 2000 janah iresmihon bani tanggal 26 Mei 2013.
3. Selanjutni perkembanganni bani oktober 2010 ibahen ma Resort persiapan janah iresmihon bani tanggal 04 maret.2012 ;GABE RESORT SIMBOU KEHEN
4. Janah bani Tahun 2016 pindah hun Distrik I. (SANTAR) hu Distrik II(RAYA) ma Resort Simbou Kehen
V. PANGUJUNGINI
Benih yang tumbuh dan berbuah, ai do naidah bani sejarah ringkasni GKPS Simbou Kehen on mamungkah humbani tahun 1942-2020. Bani pertumbuhan, pardalananni kuria on, buei tantangan dan pergumulan na gabe “Silang” bani kuria in. tapi malas uhur, haganupan ai mangkorhon buah ni na madear, patorashon haporsayaon ampa Hasaksian na manggoluh bani generasi penerus. Halani ai patut hita manghatahon janah mandodingkon ; “Diatei Tupa bamu Tuhan Raja Gereja
Sirsir hammarmudu hanami pagoriMU
Sai urasi ham bapa hanami jabolonMu
Nagabe parhorja nagok bani kuasaMU
“Sai Tonduy Napansingma mambere hapentaron
Nalaho pararathon ambilan namadear . AMEN
Ditulis Untuk :
Serah terima jabatan pinpinananMajelis Jemat
Simbou Kehen, 02.Pebruari 2020
An.Pinpinanan/ Majelis Jemaat GKPS Simbou Kehen
St. Mohlan Saragih St. Sahdinson Saragih St. Jonnelison Saragih St. Berriaman Saragih
Ketua/ Pengantar Jemaat W. Peng. Jemaat Sekretaris Bendahara
